Windows LiveWindows Live™
 
 
SaMaH's profile¤¸¸.·´¯`·.¸·..>> ودعتــه...PhotosBlogListsMore Tools Help

)(--)( حركتات والله )(--)(

※~بيــت القصيـــد~※

╰☆╮زخــاارف ╰☆╮

Guestbook
Thanks for visiting!
Please wait...
Sorry, the comment you entered is too long. Please shorten it.
You didn't enter anything. Please try again.
Sorry, we can't add your comment right now. Please try again later.
To add a comment, you need permission from your parent. Ask for permission
Your parent has turned off comments.
Sorry, we can't delete your comment right now. Please try again later.
You've exceeded the maximum number of comments that can be left in one day. Please try again in 24 hours.
Your account has had the ability to leave comments disabled because our systems indicate that you may be spamming other users. If you believe that your account has been disabled in error please contact Windows Live support.
Complete the security check below to finish leaving your comment.
The characters you type in the security check must match the characters in the picture or audio.
عٌ ـيوٍنـ لكٍ ــُيwrote:
.. !H
N!cE Spaes
أتشـِرفـِ بـِزيـُآرتج لـِ ^.^ my Spaes
  C.u..
Sept. 22
• ● 3bath 6flah ● • .wrote:
مسآئك ورد يالغلا
أهنيك ع السبيس الـرايق ..
تقبل مروري
 
:)
Apr. 18
ㄨ نورتــوا سبيسـيـ .. ㄨ|true|
amazingcounters.com

※ .. حكمـــة الأسبوعـ .. ※

※ .. كفــارة المجلـــس .. ※

א أخر أخبـــااري א

εïз•ღكلمه ولو جبر خاطرღ•εïз

Photos
๗.. قاطعوا المنتجات الدنماركيه ..๗  
Photo 1 of 19

Blog
7/29/2006

ҳ̸Ҳ̸ҳ خربشـــــ في الحب ــــاات ҳ̸Ҳ̸ҳ

السلام عليكم ورحمة الله وبركاته ...
 
×
 
×
 
 
خربشات في الحب ...
 
بعد تلك السنين .. وبعد ذاك الفراق ..
هاهو يعود ... ليزيد ذاك الجرح ... والذي كان سببه هو ...
يبتسم .. وأعرف انه يتألم ..
فأبادله بتلك الابتســامة الصفراء لتعيد له حياته ...
وانا ..
لأجاري دمعتي الساقطه ..
وليست تلك الدمعه الوحيده التي نزفت دما برحيله ..
هل ظن بي نسيانهـ ..
وتلك الدموع ماهي الا ألمهـ ..
 
×
 
×
 
احترت بعودتهـ ..
وماهي سببها .. وماهي تلك الدموع بعينه ..
ماهو ذاك الالم الذي يكسو قلبه ...
بكل بسـاطه ..
يرجوا مني السماح ..
وفي بعادي لم يكن مرتاح ...
 
×
 
×
 
رجوته بأن يلقي بثقله على قلبي المجروح ..
واخذ يسترسل بشكواه ..
فقد دمره العشق .. ودمر هواه ..
يشكي من لعبة قدر لعبها معاه ..
يشكي عن ألمه وعن نجواه ..
 
×
 
×
 
يتحدث عن عشقه وهيامه ..
عن حبيبته واحلامه ..
فلا يعلم اي جرح هو كلامه ..
ولا اي ذكرى تعود لي ..
ولا كم من ألم ودمع نزفته بحديثه ..
 
×
 
×
 
واخيرا ..
وبعد ذاك الحديث ..
سألني عن اسباب الجروح..
طلبني أن اصارحه ..
وأن القي بهمي عليه ...
وكيف القي بهمي عليه وهو أكبر هم ..
أو
هو
أكبر
وهـم..
 
 
ودمتم بود ..
 
وتلك الكلمات لن تصل لمستوى خواطري ..
لكن ستبقى ألما أبثها عبر الحروف ..
وتبقى ذكرى .. بعد رحيلي يعانق صفحتي ..
وتبقى خربشاتي .. حروف غامضه ..
لا يفهمها الا من هوى ...
 
 
إنســــــاانهـ
3:08 PM | Add a comment | Read comments (18) | Permalink | Blog it
7/14/2006

][ .. ماعندي سالفهـ .. ][

السلام عليكم ورحمة الله وبركاته ..
*
*
 
شلونكم عسااكم بخير ..
 
صراحه ماعندي اي شي جديد ..
 
 
الا ان قلبي محترق على كل خليجي بلبنان ..
 
ومااقول الا الله يفك اسرهم ويفرج كربتهم .. ويهون عليهم مصاابهمـ ..
 
 
 
)
(
 
 
انا بكتب كل شي يقرقع بقلبي
 
تخيلوا من بدت العطله
وانا ازن على ابوي يالله يبه خلنا نمشي خلنا نساافر
يبه ملينا ...
وابوي يقول لي يابنت الحلال لاحقين
 
واانا اقول لا يبه اخر العطله عندي اختبار لازم ارجع اذاكر
 
يقول مالتس الا اللي يرضيتس ...
 
المهم تأكد حجزنا الثلاثاء الجاي
 
وصار اللي صار ....
 
وتكنسل الحجز
 
بس يالله رادنا الله عن هالشر
 
 
*
*
 
ووش بعد
 
 
*
*
 
ايه
ماانسى رحلتي انا وبنت اختي قبل أمس بصحارى الصبح ..
هماه فااضي قعدنا نلعب بالالعاب ..
 
شي حلوو صراحه ..
حتى الهندي حقدت عليه ..
يوم شاافنا قلت له عطني ثلاث بطاقات
 
قال مافيه الا بيبي واحد حق مين ثلاثه
 
قلت لوه : حقي وحق هذي بينت ..
وحق هذا بيبي
 
 
 
قال لي اندزلعي ومالكم الا بطاقه وحده ..
ومير نااخذ البطاقه ونسفه ولد اختي
ونلعب حنا 
 
 
 
يالله ماودي اطول هذرات ...
 
ولي بلووق قريب جدا
 
دمتم بود ..
إنســــــاانهـ
 
 
 
 
 
12:21 PM | Add a comment | Read comments (12) | Permalink | Blog it
6/11/2006

× السعــودي طير حر والكرهـ عنده حضــارهـ ×








 الســـــــــلام عليكـــمـ ورحمـــة الله وبركــــااتهـ ..
وش أخبــــاركمـ ..
 
وش راايكم باللوك الجديد للسبيس ..
قلبت لوونه اخضــر تضاامن مع السعوديـــــهـ ..
 
 
وكل واحد يدخلــ يسجل لنا دعوه قلبيه لمنتخبنا الغالي ..
الله يووفقهم ياارب ...
 
والله معك يالاخضــــــــــر ..
 


يااخضر معاك الله ..
يااخضر ياعشق الناس ..
خلك شديد الباس ..
شامخ وعالي الراس..
يااخضر معاك الله..
 

 
ألعب بفن العب ..
وهز شباك الملعب ..
وخل الخصم يتعب ..
يااخضر معاك الله ..


يااخضرنا صول وجول
وخل من يشووف يقول ..
ياسعودي مو معقول ..
يااخضر معاك الله ..
 


 
 
 
 
 





 
السعودي طير حر والكره عنده حضاره ..
لعبه وفنه يسر .. يسحر بناظر خضاره ..
 


عجزت اعرف كلماته الباقيات هههههههههههههههههههههههههههههههههااي
 





 
 
جاكم الاعصار ماشي يعيقه ..
منتخبنا اليوم وخر عن طريقه ..
هذا الاخضر لي لعب ..
جهزوا كاس الذهب ..
اذكر الله وشوف .. وانسى الحذر الخوف ..
مايعرف الخوف من هذا فريقه..
 
 
 
في لعبكم مغناه فيه المثل يضربكم
في فوزكم معناه الكل له يطرب ..
بااخلاقكم نفخر مهما انتصرتوا ..
ومانطري غير الفوز ليمن لعبتوا
ومن واجه الاعصار مهما صمد ينهار ..
اذكر الله وشوف وانسى الحذر والخوف ..
ومايعرف الخوف من هذا فريقه
 
خصمكم معذور لو مايجاريكم
وظهورنا يالخوف الله يقويكم.
وفن وعزم واصرار .. فيه الخصم يحتار
من يوقف الاعصار من يووقف الاعصار ..
اذكر الله وشوف وانسى الحذر والخوف ..
ومايعرف الخوف من هذا فريقهـ
 
 
 





 
 
 
ياسلامي عليكم يالسعوديه ..
ياديار الشيم يادار الابطال
يالسعودي نحيي روحك الحيه ..
نشهد انك اصيل وطيب الفال..
 
 
للوطن في فنونك مخلص النيه
وسط كل الملاعب صيتكم عالي
شايل البيرق الاخضر رافي ايديه
واحمد الله كريم وحقق امالي
 
 
تحرقون الشبك بااهداف ناريه
تحرجون الخصم في كل الاحوال
لعبكم فيه فن وفيه نديه
وفيه عزم الرجال بصدق الافعال
 
 
السكك والشوارع منك مضوويه ..
والبيارق ترفرف بالسماء عالي
الله الله عليكم يالسعوديه
بالملاعب عطاكم ماله امثالي
 





 
ياسعودي ياعقال الراس ..
ياماخذ عقلي والاحساس ..
ياسعودي انت اصل وساس ..
من غيرك شديد الباس
 
 
ياسعودي ياسعودي
يالاخضر ياسعودي
الاخضر طرق طرق طرق طرق اجراس
من غيرك سبق سبق سبق سبق هالناس
مااظنك ناسيه .. ذا البطل يااسيا
ياسعودي ياسعودي
ياهووه ياسعودي
 
 
يجذبني ياناس هذا الفريق
وابلقى درب لذاك الطريق
وابرقى اعلى القمم
في ايديني كاس الامم ..
وابرفع اغلى عالم
واخطه احلى اسم
لبلادي يابلادي ..
 
 
لك عاده يادار بالانتصار
ونغني بالفوز لكل الديار
كلنا عزم وكفاح
نقهر سيوف ورماح
وجدنا مثل الصباح
ماتشتتنا الريااح
يابلادي ..
مااظنك ناسيه هالبطل يااسيا..
 
 
 





 
 
 
 





 
وين مايروح الاخضر انا واياهـ
 
بيض الوجه ماقصر ربي يرعاه .
 
من محطه لي محطه
 
  شوفوا الاخضر يتخطى
 
رافع الرااس== سعودي
جايب الكاس == سعودي 
 
عاااااش منتخبنا عااااش
عاش الاخضر عاش
 
ياهلا باللي واعي بالسمر
عشتوا لبلادي لبلادي ذخر
في الذهاب و الاياب
من نصر لنصر
ياهلا وياهلا يالف اهلا وياهلا
 
 

 
 
لا جا وقت الجد








































 





وتقبلوا تحيــتي..
بنت الوطن..
إنســـــــاانهـ
 
(قلوبنا معك يالاخضــــر)
2:57 PM | Add a comment | Read comments (20) | Permalink | View trackbacks (1) | Blog it
6/3/2006

!.. ماعنديش شي غير هذر السوالف ..!

السلام عليكم ورحمة الله وبركاته ..
 
وشلونكم وش اخباركم ..
 
 
حبايبنا وش الدنيا بلاكم ...
 
 
بلخير .. شلونكم .. عساكم بخير ..
 
اليــوم ..
وبتاريخ سبعه -خمسه - الف اربعميه وست عشرين << لللحين يعني ملزمه على ست وعشرين عجزت اقتنع اننا بسبع وعشرين ..
أكثر المواد ماانتبه الا اخر شي اني كاتبه ست وعشرين وش السواة
 
 
وفي تمام الساعه العاشره خرجت من الكليه النحيسه وجه الشر وجه التيس ..
 
واذا بي انواع الزغاريت بغيت اقول لسواقنا اني خلصت من الخبه ..
 
طلعوا معي صديقاتي الخمس .. واتجهنا بااذن الله لبيتنا ...
 
وانواع الهبال بالخيمهـ السايق ذكرها في الفصوول السابقه << متأثره بقوه
 
المهم رحنا للبيت وتجيب لنا الشغاله ساندوتش فلافل المسمى عند اهل عنيزه بالصبه
 
ونااكله اكل ... ونطلع ونتمشى بالحوش ونلعب بالمرجيحه  
مابقى الا مليحق مالعبنا ..
 
 
 
 
ماعلينا المهم وديت البنات ويوم جيت انام .. نمت << صدز عاد
 
 
نمت من 2 بالظهر الا اربع الا ربع ... ماتهنيت بالنومه ..
 
ياربيه من زمان ماسهرت ..
 
من زمان ماضحكت ..
 
تصدقون الى اللحين زمله عقب الاختبارات ...
 
شعري صقع
 
 
 
نسيت اقول لكم ..
دقيت على صديقتي المغرب
 
قلت له:هااه وين وصلتي يااربيه صعب ..
قالت لي : ايه يااربيه متغلقه عجزت .. اكمل ..
ومير نقعد نكركر
تقل مهابيل ..
 
 
انشهد اني انهبلت ..
 
أحس من الفرحه
ودي امشي اللحين للموريتانيا ..
ودي اصادق الناصر لدين الله اللي بالعهد العباسي ..
ودي وشاسمه ذاك يااربيه
وش ودي ..
ودي انام ..
ودي احج من اللحين ..
 
ودي اسوق سياره ..
 
ودي ازرع جريش ..
 
ودي اطزز ..
 
 
ودي ولكن الهوى ضدي << اقول اندزلعي بس ..
 
نسيت اقول لكم فاتكم طاولتي :
 
قبل الاختبارات ناظرت الجدول وفضيت طاولتي وقمت اوزع الكتب على حسب جدوالنا ونزلت للشغالات قلت لاتلمسن ترتيب الكتب ..
 
وقسم ابدا كل يوم اسحب واحد وناسه ليييييييييين صفرت الطاوله قسم بديت بس اصور طاولتي ..
 
(طيب وش نسوي لتس يعني)
 
 
ماادري بس مختبه ..
 
وودي اكتب بلوق دام ان السبيس سبيسي .. ودام اني اقدر اكتب ولا احد يقول لي شي ...
ولا بوه مراقب يمشي ويمسح وراي ..
ولا بوه مشرف يتميلح علي
 
 
وبس ..
 
والنصر يااكل خس << بديت اتسلط ..
 
إنســــاانهـ من صالة فوق عند التلفزيون جنب غرفة ابوي .. << اش بس ماودتس بعد تقولين حيكم الكائن في .. اش اش اش
10:00 PM | Add a comment | Read comments (9) | Permalink | Blog it
4/9/2006

o0o × .. فشيلــــهـ .. × o0o

سلاااام على احلى زوار .. لأحلى سبيس ..اللي هو سبيسي ..
 
وشنونكم وش مسوين ..
أدري انو منذو مبطي لم اكتبو هنا ..
ولكن عذرا لعدم تواجدي ..
واشكر كل من سأل عني .. (والله من التسذب مااحد جاب خبري مير )
 
الموهيم .. ماابي اتسثر حتسي همين يضيق صدري ولا احتسي مرتن أخر ..
 
<<< بلوك لو سمحتي
 
 
ماعليش بقول لكم السالفه وعلى طول منب لافه لا يمين ولا يساار ..
 
 
 << مقدمة القصه ..
 
بطولة :
سوسي ..
 
غوغو ..
 
ريري ..
 
 
تبدا القصه ..
اليوم بالكليه جيت الله يحفظني من كل شر ..من زمان عن خويتي غوغو
قلت يابنت ابروح اسلم عليه ...
 
 
واول مارحت اسلم عليه ومير تمر من جنبنا وحده
 
جت غوغو قالت لي : سوسي تذكرين مدرستنا الدين اللي بالثانوي ..
انا : ايه بنت خالتي ..
غوغو : عليتس نور ترى ذي اخته ...
قلت انا : اقوول دني هناك اويلاه هذي موب بنت خالتي مااعرفها ...
غوغو : لاتباخصين اويلاااه ..
انا: ياحبيبتي هي بوه اخته هنا .. بس مهيب هالانسانه .. وفجأه تمر بنت خالتي ..اللي ابسميها حصيصه ..
 
جيت انا صوتت لبنت خالتي ..:
أنا : حصيصه ...
حصيصه : سمي ياخلفهم ..
أنا: اسمعي الاشاعات يقولون ان ذيك اختس ..
حصيصه: ايه ذي اختي هنادي ..
 
أنا: انصكت الدنيا بوجهي وانا اسمع غوغو وريري يضحكون علي
 
ياربي دنا عملت اييه ..
حصيصه : وش فيتس سوسي ..
انا : يعني ذي اختس هنادي .. <<< توي ادري ان عنده اخت اسمه هنادي
 
 
 
أه منك يادنيا بتفرقي بين اولاد عم واولاد خال ..
 
طبعا هم يصيرون بنات خالت امي يعني بنات خالتي ..
وقليل مااشوفهم ..
 
مايستفااد من القصه:
1- اذا قالوا لك صديقاتك هذي تقرب لك قوولوا ايه ..
2-لاتبااخص الناس على شي ماتدري عنوه
 
 
3- قل خيرا والا فااصمت ..
4- لاتبطون عن صديقاتكم .. ترى تفشلون  ..
 
5- مثل مصالتي ماقد شفت ...
 
وشكرن عفوا...
 
 
تراراراررا << نهاية المسلسل
 
(ريري انتي وغوغو .. انبسطتوا اللحين ..  ) 
 
 
 
تحيــتي ..
 
إنســــاانهـ (مافي بهالدنيا مثلي أحد والله مامثلي بهالدنيا أحد .. فوق هام السحب .. وان كنتي ثرى
 
<< اسحبوا الفيش علقت
6:13 PM | Add a comment | Read comments (28) | Permalink | Blog it
2/10/2006

)(-)( وسع صدرك باتسر مدرسه)(-)(

السلام عليكم ورحمة الله وبركاته ..
 
سلخير جميعا فردن فردن . <-- للي يقرون  مسااءأ بتوقيت نيودلهي ..
وصلخير جميعا فردن فردن <-- للي يقرون صبحا بتوقيت عنيزه ..
 
 
سلامون سليم
ارق من النسيم ..
يذهب ويروح ..
لحبيبة الروح ..
المطرسه ..
 
 
اوالله البلشششششه ..
 
اللحين صدز باتسر مدرسه ..
يعني صدز باتسر لو مانمنا الا اربع الفجر ...
الساعه سبع يدخلون اهلي علي ويضكون المكيف ويقوولون قومي ..
 
اقوول موب تسننا ماامدانا نتمغط الا قالوا جت المدرسه ..
 
واي ؟
وراه؟
لماذا؟
وكوني؟
وشلون ..
ازاي؟
شت اب؟
 
 
ليه ياقماعه ..
ترا حنا بني ادميين ..
لنا روح واحساس وخشم واثم وعيون ثنتين ... واذان ورقبه ..
 
ليه العذاب ذا كلوه؟؟
وليتنا ندرس وننجح ..
 
مااقول حسبي الله على الظلمه ..
 
ماعليش يامضيوي لاتسبتين ..
فوزيه جهزي دروستس ..
هديل حطي كتبتس  على مكتبتس وشيلي المجلات واللاب توب اللي فرشتيهن ايام العطله ..
 
 
 
لاجا وقت الجد ..
لا جا وقت الجد ..
والند يقابل ند ..
ماعلينا من الاسماء ..
الخ الخ ..
 
 
 
هذي مقدمه طويله عريضه نوجهها لكل طالب وطالبه مكرووفين سنويا ..
 
نبدا بموضوعنا .
وهي مقتطفات من ليله الجمعه اللي تعقبه المدرسه ..
 
أول معاناة 1\
 
هذي سعاد قامت حدعش الصبح عشان تبي تعدل نومه ..
 
سعاد: يمه قولي لأبوي السواق لايروح شي العصر ترااي ابيه ابروح للمكتبه ..
الام:وش تبين بالمكتبه طاعوشته موب امس رايحتن انتي واخوتس.
سعاد: يمه نسيت اجيب دفترين ابو ميه للكيماء والاحياء ..
 
وتروح سعاد للمكتبه وتشري دفترين ابو ميه .. ومعهن هندسه وتلااوين << اهم شي تلاوين على وزن ايام منول يوم حنا مانقول الوان لا نقول تلاوين ..
 
همين ترجع للبيت ..
 
سعاد: يممه نسيت اجيب قلم رصاص وصمغ
الام: وكوني الفقيه اويلاه ..
 
................... هذي اول معاناة (نسيان وش بنجيب من المكتبه لأن المكتبه تصير مزحومه ومع السبهه والخوف تنسين نص اغرااضتس)....................................
 
 
ثاني معاناة 2\
 
موضي الساعه حدعش بالليل تلتفت على اخته مضاوي
 
 
موضي: مضاوي وش تبين تلبسين باتسر.
مضاوي:ماعليتس من وشوله تسألين(طبعن مضاوي لاهيه تقصص اضافره وشوي تصيح)
موضي: ياحبي لتس ابلبس فوق المريول جاكيتي الابيض اتركي لي جزمتس البيضاء .انا جزمتي توسخت مع البر.
مضاوي:اكد على ابوتس انا طسي بذاك والله ماتلتحسينه* خلي البر ينفعتس ..
موضي:خلاص منت الله ولا منت خلقه ادور غير هالجاكيت واقفتن عليتس ..
 
----------------------------(ثاني معاناة تكمن وش نبي نلبس باتسر وش بنسوي بشعورنا لزوم الوحده تكشخ اول يوم)------------------------------
 
 
ثالث معاناة وهي المعاناة المهمه3\
 
الساعه ثمان ونص ..
باقي على البرايم ساعه ..
تجيتس موضي توه طالعتن مترووشه ..
 
يالله يالله يمدين ازين شعري ..
 
وارعجي *على المسجل وابدي استشوري ..
وماتدرووون الا هو منفقعن بشعره من النحاسه ..
وانواع الرغيان*وش ابسوي بشعري باتسر حيث ان موضي تضطر تغيب ولا تروح تسذا ..
وان توطت ببطنه امه .. راحت نص شعره مستشور والنص الثاني قاابعن تقل وحش
 
----------------------------(مشكلة الاستشوارات يوم الجمعه .. أحس ان شركة الكهرب تطلع بذاك اليوم دبل ماتطلعه بسنه من كثر الاستشوارات اللي تدهر وحسحسة الروس )-------------------------
 
 
 
 
رابع معاناة ..
 
صباحيه مبااركه ياطلاب ..
تجيك الشغاله وارمتن عيونه من النوم ..
وانتم ملعنتن جدفكم من الحر عقب ماطفى عليتس ابوتس المكيف .
 
همين تدلج* الباب عليتس الشغاله ..
 
الشغاله:قومي يالله شوفي وين البس مريول هازا او هازا مريول جديد او قديم
(لعنبوا دارتس اجل وشوله مفصله مريول عشان اعلقه اكيد الجديد يالكمخه*)
وهمين تصبخ بالباب عقبه .
وماتغفي عينتس مرتن ثانيه الا تدخل امتس ..
يالله قومي الله يغربلتس تسيف انتس غربلتين يالله قومي مابقى الا نص ساعه
 ماعليش يمه بقوم بس قومين بلطف وحنان تعرفين الاجواء ماتسمح تقومينن بهالعصبيه ..
 
 
 
طبعا تقومون من النوم ..
تنزلون تحت ..
تلقون اخوكم الصغير قاعد يشرب بكل قرف الحليب ..
والغمض مالي العيون .
اللي تحت عيونه متنفخ ..
ومازلتي معصبه ودتس تذبحين اللي يقبالونتس كلهم ..
اولهم السواق لأنه السبب ..
 
 
 
راابع معاناة ..
الانترنت وماادراك ...
 
على الساعه وحده بالليل ..
يحن القلب على ايام العطله وودتس تدخلين بذاك الوقت ...
تدخلين بكل ثقه ..
تشبكين الاتصال وعيونتس طايره من الفرح اهلتس ناموا ..
تدخلين الماسنجر ..
تدخل عليتس غدو وهدو وريناد ....... الخ .. مانمتي ياويل قلبي باتسر المدرسه ..
وانواع النك نيمات اللي تجيب ضيقة الصدر ..
شووي وتصيحين .. تبين تتهربين عن جو الدرااسه لكن مافيه مفر ..
بعدها تيقنين .. انه مب لحالتس تدرسين ..
 
 
وبلحظه وجودتس على النت ..
تسمعين صوت حمام الوالد الله يكرمكم ..
همين عاد انتي وشطارتس بفصل السلك وتغبيه اللاب توب تحت الفرااش ومسويتن نفستس نيمه ..
 
 
 
إلـــــــــــخ ..
 
 
 
لكن انا ..
وش حالتي.
 
الساعه 9 ونص
 
اتصل على بنت اختي ..
 
أنا:هلاااااا والله
بنت اختي:هلابتس
أنا :ودي اجي عندكم وبقلبي اقول(اذا فات الفوت ياحبيبتي ماينفع الصوت)
وتعالوا شوفوا  المناحه والفلم الهندي
والتغلق الزايد عن حده
 
 
طبعا كل ذكريات العطله اضفهن واجدعهن بشنطه لعلا وعسى واين ولماذا وكيف ننسى
 
واللحين جان النوم ..
وللبقيه حديث ..
او للحديث بقيه
 
 
 
سلامون عليكم
 
 
كلمات لن يفهمها سوا الناطقين بالقصيميه ..
1-تلتسحينه:يعني تاخذينه او تصير معتس يعني
2-ارعجي : طولي صوت المسجل او حس المسجل
3-رغيان:بكاء صياح نياح
4-تدلج : يعني تقتحم الغرفه او تفتح الباب بكل عنف
3:30 AM | Add a comment | Read comments (24) | Permalink | Blog it
1/26/2006

!..( ودا۶ــا ياقـــدري ) ..!

 
 
هذي اخر خاطره كتبتها ..
وهي كانت بيــوم ..
6\12\1426
6\1\2006
*
*
 
ألمـ .. طعون .. غدر ..
هل هو حظي .. ام هو القــدر ..

*
*
ياقدري ..
لتكــن مره عــادلا ..
لتبتســمـ لي ..
لتسعــدني ..
يكفيني ذاك الالــمـ ..

*
*
عفوا ياذا القدر ..
فـ قلبي لن يحتمل ..
إرفق بـ بحالي ..
وبعيون لم تنم ..

*
*

عذرا ياذاك القدر ..
لنضع النقاط على تلك الحروف .
ونفترق ..
فلم اعد احتملك .
ولن احتمل قسوتك ..

*
*
بقلبي الذي كسرته ..
وبأحلامي الذي حطمتها ..
وبيدي المرتجفتين ..
أرسم خطوط نهايتي على صفحاتك ..
وأبتعـــد لمجهــول لا أعلم مصيره ..

*
*
وداعــا ياقدري ..
ووداعــا لأحلام لن تعيــش ..
ووداعـــا لذكــرى حزينـه ..
مـاتت مع نهايات دروبنا ..
وداعـــا وإلى الأبــــــد ..

بإنتظـــار انتقــاداتــكــمـ ..
7:29 PM | Add a comment | Read comments (6) | Permalink | Blog it
1/9/2006

)(-)( كل عـــــاامـ وانت بخيــــــر )(-)(

الســلاااامـ عليــكــــمــ ورحمـــة اللــــه وبركــــااتهـ
 
*
*
 
بمناسبة حلول عيد الاضحـــى المبــــارك ..
أعــــاده اللـــه علينـــا وعليـــكمـ وانتـــمـ ترفلــــوون بثـــوب الصحـــه والعــاافيه .. والأمـــن والأمـــان في ظل الرحمــــن
 
 
 
 
 
تحيتي للجميـــــــــــع
 
إنســـــــــاانهـ ..
6:45 PM | Add a comment | Read comments (22) | Permalink | Blog it
1/4/2006

)(-)( واللحين كل ماخلصت من اختباراتي يصير شي )(-)(

السلام عليكم ورحمة الله وبركاته ..
 
صرااحه اشكر كل اللي ماهجروا السبيس بغيابي ..
 
وتذكروني ..
 
المهم اليوم تراي عطلت ...
 
خلون اقول لكم ساالفااتي لمدة اسبوع كامل ...
 
 
اول شي ..
 
 
الاسبوع اللي راح كله كان اسبوع صعب علي وتعب ... تخيلوا مانمت الا حوالي ست ساعات طوال الاسبوع كله ؟..
 
الموهيم ..
 
اختبرت اول ماده ..
طبعا زفت بس ادعي الله اني بس انجح بوه لأمخ مره صعب وماابي اتعب مرتن اخرى بمذااكرته
 
جاء من بعده
 
حضااره ..
كان مره صعب وانا اذاكره .. بس الحمدلله طلعت الاسئله مره حلووه ....  ويسلمك ربي يانصر ..(موب النادي لا هذا اسم الدكتور)
 
 
وهمين جاء اختبار الانجليزي ..
المشكله خلصت مذااكره عشر بالليل .. بس برضووا مانمت لأن الخوف كان متملكني ..
 
 
وجاء الاختبار وحليت زين .. ولك تسلمين لنا يااحلى ايمانوه
 
وهمين جاء العرب ..
 
وماخلصته الا متأخر ومذااكرتي كانت حلووه ..
لكن الخوف مضيعني ..
 
لكن الحمدلله والشكر كان اختباري بعد حلوووو ..
تسلمين لنا بعد ياايمان ..
بس ترى حقت الانجليزي استاذه وهذي دكتوره ..
 
 
وهميييييييييييييييييييييييييييين جاء اليوم ..
 
ماده صعبه ..
والى هالحين ماني فاهمتها ..
اختبرت فيها وانا كنت متوقعه مليون بالميه ماراح اكتب ولا كلمه ...
 
واسمعوا السالفه ...
 
صراحه امس بديت على الساعه 9 ايه لزوم انه اخر يوم لازم الاهمال ..
ماتوقعت انه بهالصعوبه
 
المهم جت الساعه وحده وانا والله توني ماتحركت واجد ..
 
جت الساعه ثلاث باقي لي فصلين كل واحد اطول من الثاني وباقي لي الشهري ..
بدا بي النوم .. وانا اكره شي بهالدنيا اني اختبر وانا مانمت قبل ولو نص ساعه ..
 
المهم ..
جت اربع وانا كنت بصووم ..
ودخلت امي علي واثاري وجهي اسود ..
 
 
قالت .. وش بتس ؟؟
قلت يوووووووووووووووووووووووومه
وطحت عليه وقعدت اصيح .. وهي تسمي علي وتهدين ..
قلت يومه تكفين اذا تحبيني ماابي اروح اختبر .. يمه ماادري وش اكتب على الورقه ..
يمه ماعرفت للماده يمه مابي اروح ..
 
المهم وتهدين واصلي واجلس اكمل واكمل وانا طبعا ارتجف ولا شي دخل ببالي ولا خلصته ولا شي ..
 
بعدين يوم جت تنزلني عند الكليه قلت لها ..
 
يمه انزلي معي .. ماابي ادخل لحالي ..
وهي تسمي علي قالت بروح ادعي لك يابنيتي .. ادخلي وانتي مرتاحه وسوي اللي عليتس وتوكلي على الله ..
 
تحسووني وقتها بزره ..
توصلها امها للروضه اول مره ..
 
 
المهم دخلت الكليه ومسكت يدين صديقتي واقول لها تكفين ادخلي معي بنفس قاعة الاختبار ..
لأنها هي بقاعه وانا بقاعه ثانيه ...
 
قالت وش فيتس انتي اليوم ..
قلت خايفه ماابي اختبر ..
 
وجت الساعه ثمان ودخلت الاختبار ..
 
ياربيه ..
الحمدلله احلى شي لما تمسكون القلم وتكتبون بلا توقف وانقطاع ..
 
وهذي كانت حالتي ..
بس لااحد يفكر انه اللي اكتبه صح ..
لأن كان هدفي املي الصفحات له ..
 
يعني حليت سؤالين ونص .. من خمس اسئله ..
الف الحمدلله والشكر لك ياارب ...
 
 
المهم طلعت من الاختبار وسلمت على صديقاتي ..
 
يااربي طلعت ادور امي مالقيتها ماجت تأخذني ..
 
لقيت اخوي بمكانها ويقول من تدورين عليه تعالي اركبي ..
وانا رحت اشووف لوحة سيارته .. طلعت هي .. واركب ..
 
 
واقول له كلم على امي وابوي بسرعه ..
ويكلم لي عليهم
اول ماردت امي ..
 
قلت يمه ابشرك اختباري حلو ..
وقعدت تصيح بعد قلبي هي
 
وابوي قال لي مبروك ودعاء لي ..
 
ربي تخليهم لي ياارب ..
 
 
المهم ..
 
 
رجعت البيت من الفرحه مانمت الا 12 ونص الظهر بعد ماصليت الظهر ..
وهمااي صايمه ..
 
جت امي تصحيني على الساعه 5 وربع ..
 
واقول لها ..
 
يوومه تكفين ماابي اقوم اذاكر الله يخليتس بنام شوي خلين انام شوي صحين على الساعه 4 ..
قالت يابنيتي خلصتي اختبارات قومي قومي افطري ..
 
ومير اقووم وانا مرتاحه .. غير الايام اللي راحت يانومة الشر ..
 
 
وتوة توتة خلصت الحتوته ..
 
 
 
هذا ماحدث بالاسبوع اللي راح ...
 
 
تحيتي للجميــــــــــــــــــــعـ ..
 
إنســــــاانهـ  
7:44 PM | Add a comment | Read comments (11) | Permalink | Blog it
12/19/2005

)(-)( سجل حضورك اليومي بدعوه من قلبك )(-)(

السلام عليكم ورحمة الله وبركاته
 
صراحه وحشتوني حيل ..
وماادري وش يبي يصبرني عنكم اسبوعين كاملات ...
مااقول الا الله يعين ياارب ..
العذر والسموحه لكل من اخطأت فيه حقه ..
ولكل من قصرت من ناحيته .
 
من هنا
اكتب لكم عن مدى اسفي لغيابي عنكم لمدة لاتتجاوز الثلاث اسابيع ان شاء الله ..
فأرجوا من الله ان يوفقني في اختباراتي .. ويوفق اخواني واخواتي وجميع المسلمين
 
فأرجو من الجميع ..
ان يسجلوا حضوورهم بدعوه قلبيه صادقه ..
من قلب مخلص ومحب ..
 
تقبلوا تحيتي ..
 
إنســــانهـ
 
1:10 AM | Add a comment | Read comments (14) | Permalink | Blog it
 

~εïз~ من هي إنســانهـ ~εïз~

♥~ دعوه لختم القرآن ~♥

♥~ دعوه لختم القرآن2 ~♥

※ ..تشرفت بزيارتها واللي زرتها.. ※